الراحل/عبدالله بن سبيل رحمه الله

بسم الله الرحمن الرحيم



نبذه مختصره

(مولده ونشأته وسيرته)
هو عبدالله بن حمود بن سعد بن سبيل الباهلي…انتقلت اسرته مع بني عمهم آل عويويد وآل رشيد من مدينة المذنب إلى (الأثلة) وعمروها واستقروا بها ..
ومن بلدة (الأثلة) انتقل آل سعد بن سبيل إلى (نفي) وعمروه ، واستقروا فيه ، ومازالوا مقيمين فيه إلى هذا العهد .
وقد ولد شاعرنا – الشاعر -عبد الله بن حمود - في بلدة ( نفي ) … ونشأ فيها ......... وفيها توفي عام 1352 هـ …
وكان طويل القامة أبيض وسيما بهي الطلعة وكان هادئا حييا ، ونضم الشعر في وقت مبكر من شبابه وأحرز به شهرة واسعة .

وكانت بلدته بلدة زراعية ، وكان أكثر أهلها يعملون بالزراعة ، فامتهن الزراعة ، وعاش طيلة حياته فلاحا ليوفر لنفسه عيشا كريما وعلى الرغم من عمله في الزراعة فإنه عاش كفافا ، ومن شعره مايدل على أنه كان يستدين في زرعه في قوله يخاطب عامل الزرع ( سائق السواني) :

إصلف عليهن كلما اقبلت وأقفيت
الزرع يبغى الماء وراعيه مديون




ورغم ماتعرض له من اضطهاد وظروف قاسيه فإن شاعريته لم تتأثر بها
مع كونه عاش أميا .. حيث أننا نجد في شعره ثقافة إسلامية لا بأس بها

وقد عاش متزوجا ، وله بنون ، وكان لأسرته مكانة في مجتمعهم غير أنه لقي اضطهادا شديدا
في الفترة التي سبقت حكم الملك عبدالعزيز…
قال عنه – خالد الفرج – كان مضطهدا من آل رشيد….

وقد تعرض وهو في بلدته لطعنات بالرمح في كتفيه وعضديه – تسببت في شلل بعض أصابع يده اليمنى وشلل يده اليسرى ، وبقي بهذا الشلل في يديه إلى أن توفي………
ومنذ ذلك العهد أطيح بمكانته ومكانت أسرته في بلدتهم ، وابعدوا عن إمارتها إلى أن حكم – الملك عبد العزيز – رحمه الله

حيث وفد على - الملك عبد العزيز – في عام 1321هـ عندما أقام بالقرب من عنيزة بعد انتصاراته على سرية حسين بن جراد في فيضة
السر وسرية فهيد السبهان وسرية ماجد الحمود ، وكان هذا أول لقاء له بالملك عبد العزيز حيث أبدى له الملك عبد العزيز شيئا من الحفاوة وعينه بالسنة التي بعدها أميرا على بلدته ...... وبقي بها حتى توفى


قال: خالد الفرج…أما أمارة الحضر في (نفي) لآل سبيل ، وأميرها (شاعرنا) منذ حكم الملك عبد العزيز –وإلى الآن هي في آل سبيل .

وكان الملك عبد العزيز – يبعث له رسائل كغيره من أمراء البلدان تتعلق بالجهاد وغيره من شئون الإدارة ...

السلام عليكم ورحمة الله وبركاته
قصيده للشاعر الكبير ابن سبيل الحربي
انشا الله تنال اعجابكم



1 يأمير يا شين الخطـأ منـك شينـاه***ياخوفتـي عقلـك هكاليـوم غايـب
2 يومٍ مثلـك تزعـل النـاس عوجـاه***رجّال عرف ومن حمولـه وشايـب
3 لاجاهل غي الجهـل فيـه وأغـواه***ولامسردٍ من كل الاطـراف خايـب
4 أنتـه تقـول القيـل وتجيـد معنـاه***شالك هوى نفسك على غير صايـب
5 لاكـان حنّـا مـن تحـدى أنتحـداه***من دون واجبنـا نجيـد الصوايـب
6 ياشايبٍ غي الجهـل تـوّ مـا جـاه***يبى يعيـب النـاس والعـود عايـب
7 يا ضريغط اللي شـال همـه بدنيـاه***ياذيـب بيـن معكرشـات الذوايـب
8 إن كـان عنـدك للفعايـل امجـازاه***حربٍ عمامك يـوم مـسّ الجنايـب
9 غصبٍ عليك وصامـل العلـم تلقـاه***ان طاب لك وإلا على غيـر طايـب
10 أبـوك معطينـا الأخـاوه بيمـنـاه***لـولا الأخـاوه راح مالـه نهايـب
11 يامـن سواليفـه تـوسّـخ شفـايـاه***ذيب العلوم ولا ذكـر لـك حرايـب
12 طوبى مقرّ اللي ولى الحكم وأرسـاه***يامآ رسى واليـوم حـدر النصايـب
13 ورّث حبيب الشعـب عقـب تـولاه***فيصل على كبد العـدو سـمٍ ذايـب
14 بظلال أخو نوره مشى الذيب والشـاه***خلّى الغنم والذيب تمشـي صحايـب
15 وخلاّك يالنمـرود تمشـي بحسنـاه***وتحط بالشعب السعـودي عصايـب
16 والله يالو يدري عن العلـم وأقصـاه***مالك شفاعـة لـو تشفّعـت تايـب
17 مغترّ فيـك الله علـى الخيـر يقـداه***وش عرّفه لك عند مطلـق حلايـب
18 ماشاف نـزلٍ لـك يـدق الخونـداه***بمعيلـه مثـل الخـزز واللعـايـب
19 نـزلٍ نشوفـه والمخاليـق تـدهـاه***نـزل البـلاوي كلهـا والمصايـب
20 عن روس خلق الله وأنـا أبـراي لله***عن ناس ترعى في طرفكم حبايـب
21 لو فيك خير ووجهك الشيـن ينكـاه***ماتعتـرض لمكمّلـيـن النـوايـب
22 وأولاد وايل عـن سوالفـك مغنـاه***ماهـم بعـوزك يامـدوّه زرايــب
23 قطعانهم عشب الخضر غصب ترعاه***ترعاه أباعرهـم لـو الـدم رايـب
24 وحربٍ قواطيعٍ على الخيـل وأرمـاه***عوق الزعيـم مـورّدة كـل هايـب
25 وشريـدة الفرسـان وشلـون تنسـاه***وشلون تنسى يـا طويـل الخبايـب
26 اللي على شيـل الجماهـي مضـرّاه***يمنـاه والفسقـان سيـف العطايـب
27 و(ابن نحيت) اللـي نهـار المثـاراه***كم كبـد حـيٍّ شـب فيهـا لهايـب
28 على أبلـج خلّـى الظـواري تعشـاه***وبطوع اخو نـوره تعشـى كتايـب
29 و(ابن جزاء) يوم النضا جـاه ينخـاه***وشلـون تنسـى يالعيـن الصلايـب
30 يومٍ يشيب الراس من حـس طريـاه***بيـن الحناكيـه وذيـك الجـذايـب
31 و(فيحان) أخو نوره تحت حد شلفـاه***كم فـارسٍ خـلاّ عظامـه حطايـب
32 اللي بجـاه يـوم زاره هـل الجـاه***رد الذويبـي مـال رايـح كسايـب
33 ماخوذ غصب وضمّر الخيل تشعـاه***وشلون تنسـى ياعجيـب العجايـب
34 ونسيت(ابن ناحل) مع الضيف وقراه***هيف السمين اللي بها النـيّ سايـب
35 اللي يدسّم شـارب الضيـف لاجـاه***الخيل يعطيها وعطـا البـل وهايـب
36 ونسيت(منور) ذيـب جمـعٍ سرايـاه***مثل الدبا الكتفـان ريـف القرايـب
37 حرز الذليـل اللـي يفـك المخـلاّه***نسيت(اخو حسنا)عطيـب الضرايـب
38 و(ذويـخ) بالعربـان تكثـر رزايـاه***إليا شـان نطـق ميليـن العصايـب
39 كم هيّـةٍ زيزومهـا جـاب حسنـاه**و(سعود) من بعـده يفـك النشايـب
40 و(ابن جديع) اللـي بهيّـه ضحايـاه***فرسـان قـومٍ فـوق قـبٍ ربايـب
41 يبـون وضـحٍ بالأباهـر محـنّـاه***افتكهـا ووّهـل جبرهـم نكـايـب
42 ونسيت (مانع) حوض مـوت منايـاه***ماتـأخـذ ألا محتمـيـن الدبـايـب
43 كم فارس قـرّب لـه أجلـه وغفّـاه***علـيـه خلاّللحـوايـم لـوايــب
44 من كف (اخو فـزه) نواعيـه تنعـاه***عليـه هـلات العبـايـر سكـايـب
45 و(نويشي) اللي بالخوي كـلٍ أوحـاه***بثـرأ خويـه عـن عوانيـه نايـب
46 قص أربعه وأثنيـن والسابـع أنجـاه***انهى الملام وخاطره ماهـو طايـب
47 وأبوك يالهربـاد مـن فـك بحمـاه***يوم الرصاص بنوع وبـل السحايـب
48 برّم عصب رجليـه وإنّـا احتمينـاه***دونـه فعلنـا معجـزاتٍ غـرايـب
49 واليوم عنـدك لـه محبـه وملجـاه***غوال ابوك وحايـبٍ بـك حوايـب
50 والا ما تنسى وطيتـه فـوق علبـاه***وميقافنـا لا دفلجـن بـك ركايـب
51 جينـاه وأربـاع المبانـي مـمـلاه***فـي كـل بيـت مكتفيـنٍ قضايـب
52 واللي نـزل عنـده ثلاثيـن جمهـاه***بين الذرا والنـار ضـم الحضايـب
53 من عرض من ربص هكاليوم بدمـاه***راع النقا والفـوز يـوم الغصايـب
54 راسه سبق كفه على عـرش مطـاه***من كف (اخو جوزاء) وابوك السبايب
55 فعلٍ على وضـح النقـا مأخترعنـاه***ماهـي سواليـف الوجيـه القلايـب
56 وأضحى جزاء ميقافنا اللـي وقفنـاه***شبهتنـا ضيـنٍ رثـع فيـه لايـب
57 ذيبٍ يـرد مـن أول الضيـن لتـلاه***الشكـوى لله ياكبـيـر القطـايـب
58 والله والله واحــدٍ مــا أتمـهـزاه***بالكـذب..والله يالقلـوب اللبـايـب
59 لولا القمر وسهيـل والجـدي لـولاه***لأقـول قـولٍ ماتعقبـه طـلايـب
60 مار بـذرا العنبـر تركـت العلنّـداه***ياللي تبـي بالكـذب تأخـذ غلايـب
61 يالطايش اللي طيشـه كبـر مركـاه***هلا هلا ياحـوش بيـض الترايـب
62 هذا جـداك وغيـب قلبـك عرفنـاه***مار الغلط مرجوع وانـس الحزايـب
63 أمـا تعـذّر عـن مقالـك ومنشـاه***عبر الأثيـر ولانبـي لـك نجايـب
64 يـوم المجلـد كـل حـيٍّ تـمـلاه***تراك مأنـت مـن الأذاعـه نعايـب
65 دفترك ما خصيت بـه يـوم نقـراه***قاريـه انـا ومسطراتـه عـرايـب
66 حتـى تعـذّر لـك لنـاس مسمـاه***كرّ النظر واحسب جميـع الحسايـب
67 كرّ النظر وأضرب علـى ماتـوراه***وعندك طريـق العافيـه والعقايـب
68 أمّا حفرت البير وأقطـن علـى مـاه***وألا تـدمـه دام مـيّـه سـرايـب
69 مـادام كـلٍ ماسـك مـاه بـلـزاه***والاتعرّضـت المحـن والصعايـب
70 يمـك ملاييـن المـدافـع معـبـاه***واقفالـهـا قيـادهـا بالـكـرايـب
71 والطيـش لايحرمـك لـذ المسـاواه***اعرف ترى للطيش غيـب وغبايـب
72 ألا عنـدك للخـزى ميـل مشـهـاه***معجبك مالك مـن فعولـنٍ رهايـب
73 فالله خلق للداء دواء وأنـت مـن داه***ودواك للجـراح فـيـه الطـرايـب
74 يامـا لعينـك مـن مغثـه ومـاذاه***ياللـي بحركـم يامليـن الذهـايـب
75 بـه حصـةٍ بيضـا تـلالا مغطـاه***غيّم سماهـا بيـن خضـر رطايـب
76 مأدري ركبها غبار شيول ومسحـاه***وألا بهـا زتـم اعـداد الجـلايـب
77 لاواقفيـن ولا بالأعـيـان شفـنـاه***حظـي بـري لله علينـا رقـايـب
78 حظي بـري ماقالـوا النـاس قلنـاه***وبحظ من جاب الخبـر لـي جايـب
79 ياطير ابن برمـان مـأدري حلايـاه***ياللـي تبـي فينـا تحـط النقايـب
80 ماهو هلا يالمنتسـب عقـب عفنـاه***حنّا جبرنـا مـا يحـوش القشايـب
81 ولا عندنـا لـك يامحمـد منـاجـاه***خبلٍ تومـي فـي شنبـك الهبايـب
82 تبي تمثـل عنتـر الخيـل جهجـاه***تمثيـل وألا مسـردٍ مأنـت ثايـب

احداث ومواقف:عبدالله بن سبيل ومطوع نفي
شاعر العاطفة الوجدان فحل من فحول الشعراء بل أبرزهم , ولد في بلدة نفي حيث كان أميراً عليها آن ذاك
ذاع شعر ابن سبيل في حياته .. وتناقلته الركبان حتى أصبح أسمه علم من اعلام الشعر النبطي

.

سعد ‏بن ‏ناصر ‏بن ‏سعيدان ‏امام وخطيب بلده نفي في زمنه , شاعر اشتهر بالكرم والاخلاق الرفيعة
بالاضافة الى امتلاك روح الدعابة والمرح , يملك شاعرية كبيرة .. يطلق عليه لقب " مطوع نفي "

.

شكل هذان الشاعران .. ثنائية شعرية رائعة تناقلتها الرواة في العديد من المجالس الى حين وقتنا الحاضر
دارت بينهما مناكفات شعريه سوف نتظرق لها من خلال هذا الموضوع .. واليكم بعض من تلك المواقف :



كتب مطوع نفي هذه الابيات متغزلاً في صبية صغيرة , قيل أنها ابنة ابن سبيل وكانت تدرس على يديه :


هيّض عليّ اجويدل ماتغـطّـى ... يلعب مع الصبيان بامّ الخطوطي
ياشبه غرنـوقٍ مع فـرق بـطه... توّه وحش نزل البحر والشطوطي
كنه على شوك الهراس يتوطا... والا الميـابر يـوم بالرجـل يوطـي


فما كان من الشاعر عبدالله بن سبيل الا التصدي والهجوم على ابيات مطوع نفي
عندما رد عليه قائلاً :


إمطوّعٍ !! يامال كشف المغطا... ياخذ على رقي المنابر شروطي
شره على ورع وهـو ماتغطـى... يلعب مع الصبيان بام الخطوطي

من قصائد بن سبيل المشهوره

قالوا... وقلت آه

يالله ياللي تسجد الناس لرضاه ... ياوامرخلقه على حج بيته
تفرج لمن سده على الناس ماابداه ... راضي على مقسومك اللي عطيته
من شي يسل الحال والجسم يبراه ... والناس ما يشفونه ان ماشفيته
قلت آه واجرحاه من خلتى آه ... وان حملوني حمل غي قويته
قالوا سفا بالحال ويش اللي اغواه ... قلت آه ويش المنكر اللي وطيته
قالوا جهلت وبان علمك ولمناه ... قلت آه علمي ياملا ماكميته
قالوا طلبنا لك من الله معافاه ... قلت آه وحدته وعفوه رجيته
قالوا هله واحباب عينه نصحناه ... قلت آه هذا وارد مابغيته
قالوا ندور لك من البيض حلياه ... قلت أه لو غيره بكفى رميته
قالوا نشاش العود مالك بلاماه ... قلت آه عود الموز بيدي لويته
قالوا تزوج كود تدله وتنساه ... قلت آه لو خذت اربع مانسيته
قالوا من اقصى الناس وين انت وياه ... قلت آه ماأنسى يوم جاني وجيته
قالوا نشوفه عند هذا وهذاه ... قلت آه عمره ماعقب حجر بيته
قالوا عليل وناقل داه برداه ... قلت آه باقرابي وروحي فديته
قالوا نشير ولا نفع ماحكيناه ... قلت آه هراج النمايم عصيته
قالوا كثر شيبك وقلبك بعمياه ... قلت آه لو قلبي غرير نهيته
مطاوع قلبي بعجفاه وقداه ... والي عطى منهاج درب عطيته
ياناس خلوا كل وادي ومجراه ... قلتوا كثير وقولكم مالقيته

وسلااااامتكم

رحم الله الشاعر عبدالله بن سبيل رحمه واسعة
فقد كان علما من اعلام الشعر